Reproducimos a continuación, la entrevista publicada en el número 220 de la revista La Sidra.

En La Luna Shipping, empresa asturiana creen nes posibilidaes de la sidre y quieren llevala cola so empresa per tol mundiu, ufriendo un conocimientu del sector y una personalización que denguna gran empresa pue ufrir a los llagareros.

En La Luna Shipping, empresa asturiana creen nes posibilidaes de la sidre y quieren llevala cola so empresa per tol mundiu, ufriendo un conocimientu del sector y una personalización que denguna gran empresa pue ufrir a los llagareros.

Bonos díes, Joaquín. Lo primero de tou, teo de facete un test de sidre. ¿A ti gústate la sidre?

Muncho. Munchísimo. Bebo sidre d’avezu, nel trabayu non, pero nel día a día si, y en casa tolos díes prauticamente tomamos sidre.

¿A qu’edá tomaste’l to primer culín de sidre?

Yo creo que tendría unos trece o catorce años o por ahí… nun ye que fueren culinos illegales, allegales a lo sumo. Ufriéronmelu en casa, tampoco creo que faiga mal.

Lluéu entamé a echar sidre nes espiches de los alcuentros de Cabueñes.

¿Qué ye pa ti la sidre?

Aparte de ser una bebida, yo creo que pa nosotros la sidre ye un símbolu de la identidá asturiana, identifícanos.

Si yo te digo que la sidre ta cantarina ¿Qué quiero dicir?

Yo creo que quies dicir que ta chispeante, qu’entra bien.

¿Qué quiero dicite si te digo qu’una sidre ta de restallu?

Pues que ta mui bueno.

¿Y si te digo que la sidre ye una puxarra?

Una mierda.

Correcho. Rexentes una empresa que se llamaLA LUNA shipping y que de xuro que toos en Xixón tamos de ver el vuesu emblema mariellu nes bicicletes furrulando pela ciudá. Cuéntanos un pocu

LA LUNA shipping ñació nel añu 1995, comu empresa de mensaxería en bicicleta. Fuimos la primer bicimensaxería n’Asturies y la tercer n’España pero dende siempres esmolecémonos por incorporar nuevos servicios que proporcionar a los nuesos clientes.

Entamamos a ampliar faciendo unvíos a Madrid, a Barcelona, llevando los paquetes a la estación de RENFE, nel expreso, y otros compañeros recoyíenlo allí y repartien.

D’aquella tábemos estudiando na universidá asina que mientres otres empreses teníen la entrega a les diez hores, nosotros teníemos entrega n’Uvíeu anantes de les nueve, porque a les nueve teníemos qu’emtrar en clase.

Díbemos a Uviéu en tren, entregábemos los paquetes, díbemos a clases, salíemos, recoyíemos los paquetes y veníemos de vuelta con ellos pa Xixón, pa entregalos.

Y agora llevais sidre…

Si, agora llevamos sidre y queremos llevar y traer más sidre. Nosotros siendo una empresa asturiana y toos amantes de la sidre, queremos ufrir los servicios de tresporte internacional a los llagareros y productores de sidre asturianos.

Entendemos que la sidre ye un productu con munchu potencial pa vendese fuera y queremos ufrir los nuesos servicios de comerciu internacional p’aidar a esportalo, non solo sidre tradicional, sinón sidre de nueva espresión, productos derivaos de la sidre, vermús a base de sidre… ye un productu con munches posibilidaes de ser consumíu fuera d’Asturies y fuera d’España.

Tenemos otros clientes de fuera del país que los tamos aidando a facer lo mesmo, a importar y esportar
el so productu, incluso empreses mui piqueñes que va ocho o nueve años entamaron con una caxa de seyes botelles de llicor y agora mesmo tamos ufriéndoyos tou tipu de servicios d’esportación y distribución n’España y Europa del so productu.

Entos queremos ufir lo mesmo a empreses asturianes.

Entamasteis siendo unos visionarios. ¿Qué visión tenéis de la sidre pal futuru?

La sidre ye un producto que na nuesa opinión puede y debe consumise muncho más fuera d’Asturies y fuera del entornu avezáu de los chigres.

Va pocu tuvimos una visita de Canadá, llevámoslu a conocer la sidre y ta pensando n’entamar a importar sidre asturiana, vamos aidalu nello.

Fadríemos tola xestión, recoyeríemos la sidre equí nel llagar, fadríemos la xestión d’esportación y tresporte internacional, ya fore por avión o barcu y lluéu allí, cola aida de los nuesos axentes, aidaríemoslu a importalo.

Ye un productu que cuando se preba, gusta, porque amás la sidre que se ta faciendo n’Asturies ye mui estremao a lo que tan avezaos nos países anglosaxones, onde la sidre ye mui dulce.

Cuando preben lo nueso gusta-yos y tan mui interesaos. Esta persona canadiense los díes que tuvo equínun pasó un ensin dir a tomar sidre.

La sidre ye un producto que na nuesa opinión puede y debe consumise muncho más fuera d’Asturies y fuera del entornu avezáu de los chigres.

Va pocu tuvimos una visita de Canadá, llevámoslu a conocer la sidre y ta pensando n’entamar a importar sidre asturiana, vamos aidalu nello.

Fadríemos tola xestión, recoyeríemos la sidre equí nel llagar, fadríemos la xestión d’esportación y tresporte internacional, ya fore por avión o barcu y lluéu allí, cola aida de los nuesos axentes, aidaríemoslu a importalo.

Ye un productu que cuando se preba, gusta, porque amás la sidre que se ta faciendo n’Asturies ye mui estremao a lo que tan avezaos nos países anglosaxones, onde la sidre ye mui dulce.

Cuando preben lo nueso gusta-yos y tan mui interesaos. Esta persona canadiense los díes que tuvo equínun pasó un ensin dir a tomar sidre.

Foi una experiencia mui interesante y perbón exemplu de la exportación de sidre asturiana que pue facese a otros países del mundiu y de la collaboración pente la nuesa empresa y los llagareros.

Nun dexamos de ser una piqueña empresa asturiana pero podemos ufrir el serviciu de cualisquier empresa grande o meyor, porque’l serviciu que nos vamos a dar, personalizáu, nun yos lu va dar ninguna empresa grande de tresporte.

Si yo fuere llagareru y quinxere’l vuesu serviciu personalizáu pa mandar sidre, por casu, a Australia ¿Qué tendría de facer?

Pues lo primero, ponese’n contautu con nosotros.

Entamaríemos faciendo un estudiu de la operación, del destín concretu onde se quier mandar la sidre, qué requerimientos van facer falta pa que la sidre entre n’Australia –un país especialmente complexu en materia de sanidá ya importación de bebides alcoóliques-.

Una bones planificao, escoyemos el mediu de tresporte más afayaizu pa cumplir colos plazos d’entrega y encargámonos de tola coordinación, dende la recoyida en llagar a la entrega en destín.